भरवेगात बाईक 27 वर्षांच्या तरुणाच्या जिवावर बेतले

मुंबई क्राईम टाइम्स डॉट कॉम
25 फेब्रुवारी 2025
मुंबई, – भरवेगात बाईक चालविण्याच्या प्रयत्नात बाईकवरील नियंत्रण सुटून एका 27 वर्षांच्या तरुणाचा मृत्यू झाला. प्रणित प्रकाश पवार असे या तरुणाचे नाव असून भरवेगात बाईक चालविणे त्याच्या जिवावर बेतल्याचे बोलले जाते. याप्रकरणी जुहू पोलिसांनी प्रणितविरुद्ध हलगर्जीपणाने बाईक चालवून स्वतच्या मृत्यूस कारणीभूत ठरल्याप्रकरणी गुन्हा दाखल केला आहे.

हा अपघात साोमवाररी सकाळी सव्वाआठ वाजता विलेपार्ले येथील एस. व्ही रोड, भावना अपार्टमेंटसमोर झाल्याचे पोलिसांनी सांगितले. अमीत गोरखनाथ सोरटे हे वरळी पोलीस वसाहतीत राहत असून सध्या जुहू पोलीस ठाण्यात पोलीस शिपाई म्हणून कार्यरत आहेत. सोमवारी रात्री आठ वाजता ते ड्यूटीवर हजर झाले होते. यावेळी ठाणे अंमलदार म्हणून राहुल शिंदे हे काम पाहत होते. रात्री विलेपार्ले येथे अपघात झाल्याची माहिती पोलिसांना प्राप्त ाली होती. त्यामुळे जुहू पोलिसांची एक टिम घटनास्थळी गेले होते. एस. व्ही रोड, गोल्डन टोबॅकोजवळ गेल्यानंतर पोलिसांना एका तरुणाचा अपघात झाला असून त्याला कूपर हॉस्पिटलमध्ये दाखल केल्याचे समजले. कूपर हॉस्पिटलमध्ये गेल्यानंतर प्रणित पवार हा अपघातात जखमी झाला होता.

हॉस्पिटलमध्ये दाखल केल्यानंतर डॉक्टरांनी त्याला मृत घोषित केले होते. चौकशीदरम्यान उबेदुर रेहमान अफजल शेख या व्यक्तीने तो शाळेतील मुलांना सोडून जात होता. त्यांची स्कूल व्हॅन भावना अपार्टमेंटसमोरुन जात असताना प्रविण हा बाईवरुन भरवेगात जाताना दिसला. यावेळी त्याची बाईकवरील नित्रंत्रण सुटले आणि त्याने बाईक बाजूला असलेल्या डिवायडरला जोरात धडक दिली. बाईकवरुन तो दुसर्‍या बाजूच्या रस्त्यावर पडला होता. त्यात तो गंभीररीत्या जखमी झाला होता. त्यामुळे त्यांनी मुंबई पोलिसांच्या कंट्रोल रुमला ही माहिती दिली आणि जखमी झालेल्या प्रणित पवारला तातडीने कूपर हॉस्पिटलमध्ये दाखल केले होते, मात्र तिथे त्याला मृत घोषित करण्यात आले. भरवेगात बाईक चालविल्यानंतर त्याचे बाईकवरुन नियंत्रण सुटले आणि हा अपघात झाल्याचे सांगितले.

या जबानीनंतर पोलिसांनी प्रणित पवार याच्याविरुद्ध हलगर्जीपणाने बाईक चालवून स्वतच्याच मृत्यूस कारणीभूत ठरल्याप्रकरणी गुन्हा दाखल केला होता. ही माहिती नंतर प्रणितच्या कुटुंबियांसह नातेवाईकांना देण्यात आली होती. तपासात प्रणित हा खार येथे राहत असून सोमवारी तो वांद्रे येथून अंधेरीच्या दिशेने त्याच्या बाईकवरुन जात होता. विलेपार्ले येथे आल्यानंतर त्याच्या बाईकला अपघात झाला होता.