बोगस लिंकद्वारे गुंतवणुकीच्या नावाने महिलेची फसवणुक

मुंबई क्राईम टाईम्स डॉट कॉम
२ एप्रिल २०२४
मुंबई, – स्टॉक ट्रेडिंग वर्कशॉप आयोजित करुन ऑनलाईन गुंतवणुकीच्या नावाने कंपनीची बोगस वेबसाईटची लिंक पाठवून एका ४४ वर्षांच्या महिलेची अज्ञात सायबर ठगाने सुमारे साडेपंधरा लाखांची फसवणुक केल्याचा प्रकार अंधेरी परिसरात उघडकीस आला आहे. याप्रकरणी या महिलेच्या तक्रारीवरुन सायबर सेल पोलिसांनी व्हॉटअप ग्रुप ऍडमिन अनया रेड्डी, अर्जुन शर्मा आणि समीर मल्होत्रा नाव सांगणार्‍या तिघांविरुद्ध गुन्हा नोंदवून आरोपी सायबर ठगांचा शोध सुरु केला आहे.

तक्रारदार महिला ही अंधेरीतील इंडियन ऑईल नगरात राहत असून तिचे पती इंडियन ऑईलमध्ये कामाला आहे. गेल्या वर्षी जानेवारी महिन्यांत तिला फेसबुकवर स्टॉक मार्केट इन्वेस्टर अलायसन्ससंदर्भात एका खाजगी कंपनीची स्टाक ट्रेडिंगची वर्कशॉपची माहिती दिसली होती. या वर्कशॉपला रजिस्टर करण्यासाठी तिने दिलेल्या लिंकवर स्वतची माहिती अपलोड केली होती. त्यानंतर काही तासांत तिला एका व्हॉटअप ग्रुपमध्ये सामिल करण्यात आले होते. तिला ग्रुप ऍडमीन अनया रेड्डीने ती एका खाजगी कंपनीची अधिकृत प्रतिनिधी असल्याचे सांगून तिला वर्कशॉपबाबत माहिती दिली होती. आठवड्यातून तीन वेळा वर्कशॉपचे आयोजन केले जात होते. याच दरम्यान तिने तिला आणखीन एक लिंक पाठवून त्यात तिला स्वतचे खाते उघडण्यास सांगितले होते. कंपनीच्या या खात्यात गुंतवणुकीच्या प्रक्रियेबाबत माहिती सांगून गुंतवणुकीसाठी रक्क्कम वर्ग करण्यासाठी ती वेगवेगळे बँक खाते देतील. त्यात ती रक्कम जमा केल्यास तिने केलेल्या गुंतवणुकीची माहिती दिली जात होती. त्यानंतर अनयासह इतर दोघांनी तिला विविध बँक खात्यात गुंतवणुक जमा करण्यास प्रवृत्त केले होते. या गुंतवणुकीवर तिला चांगला परवाता मिळेल असे सांगून पैसे ट्रान्स्फर करण्यास सांगितले. त्यांच्यावर विश्‍वास ठेवून तिने तिने साडेचार लाखांची गुंतवणुक केली होती. त्यात तिला गुंतवणुक आणि परवाता मिळून सुमारे आठ लाख रुपये जमा झाल्याचे दिसून आले. त्यावर ९ हजार ७०५ रुपयांचे टॅक्स कट झाले होते. त्यामुळे या गुंतवणुकीवर तिला विश्‍वास बसला होता.

अनयाच्या सांगण्यावरुन तिने आणखीन काही ऑनलाईन ट्रेडिंगवर गुंतवणुक केली होती. काही दिवसांनी तिने पैसे काढण्यासाठी अर्ज केला होता. यावेळी टॅक्सची रक्क्कम कापून तिला ३ लाख ३९ हजार ६७५ रुपये प्राप्त झाले होते. गुंतवणुकीवर परताव्यासह पैसे मिळत असल्याने तिने आणखीन गुंतवणुक केली होती. अशा प्रकारे १५ नोव्हेंबर २०२३ ते २४ जानेवारी २०२४ या कालावधीत तिने विविध ऑनलाईन ट्रेडिंगमध्ये १५ लाख ५३ हजा ५७० रुपयांची गुंतवणुक केली होती. मात्र नंतर तिला गुंतवणुकीसह परवाता रक्कम मिळाली नाही. तिला तिच्या रक्कमेसाठी अनयासह तिचे दोन सहकारी अर्जुन शर्मा आणि समीर मल्होत्रा हे टॅक्सची रक्कम भरण्यास प्रवृत्त करत होते. ही रक्कम भरल्याशिवाय तिला पैसे मिळणार नाही असे सांगितले जात होते. फसवणुकीचा हा प्रकार लक्षात येताच तिने सायबर सेल पोलिसांत तक्रार केली होती. या तक्रारीची शहानिशा केल्यानंतर पोलिसांनी संबंधित सायबर ठगाविरुद्ध कट रचून फसवणुक करणे आणि आयटी कलमांतर्गत गुन्हा नोंदविला होता.