अल्पवयीन मुलीशी शारीरिक संबंध प्रस्थापित केले

मुंबई क्राईम टाइम्स डॉट कॉम
31 मार्च 2025
मुंबई, – अंधेरी येथे एका अल्पवयीन मुलीशी तिच्याच परिचित अल्पवयीन मुलाने स्वतच्या घरी आणून शारीरिक संबंध प्रस्थापित करण्याचा प्रयत्न केल्याची धक्कादायक घटना उघडकीस आली आहे. याप्रकरणी तेरा वर्षांच्या आरोपी अल्पवयीन मुलाविरुद्ध डी. एन नगर पोलिसांनी लैगिंक अत्याचारासह पोक्सो कलमांतर्गत गुन्हा दाखल केला आहे. याच गुन्ह्यांत ताब्यात घेतल्यानंतर आरोपी मुलाची डोंगरीतील बालसुधारगृहात रवानगी करण्यात आली आहे. रविवारी सायंकाळी घडलेल्या या घटनेने स्थानिक रहिवाशांमध्ये प्रचंड संतापाची लाट उसळली होती.

31 वर्षांची तक्रारदार महिला ही अंधेरी परिसरात राहत असून पिडीत तिची मुलगी (चार वर्ष सात महिने) आहे. याच परिसरात तेरा वर्षांचा आरोपी मुलगा राहत असून ते एकमेकांच्या परिचित आहेत. रविवारी सायंकाळी तो तिच्या घरी आला होता. त्याने तिच्या मुलीला त्याच्या घरी आणून तिच्याशी शारीरिक संबंध प्रस्थापित करण्याचा प्रयत्न करुन तिच्यावर लैगिंक अत्याचार केला होता. या प्रकारानंतर ही मुलगी प्रचंड घाबरली आणि तिच्या घरी आली होती. मुलीला घाबरलेल्या अवस्थेत पाहिल्यानंतर तिच्या आईने तिची विचारपूस केली होती. यावेळी तिने घडलेला प्रकार सांगितल.

ही माहिती ऐकल्यानंतर तिला प्रचंड मानसिक धक्का बसला होता. त्यानंतर तिने डी. एन नगर पोलीस ठाण्यात धाव घेऊन तिथे उपस्थित पोलिसांना घडलेला प्रकार सांगून आरोपी अल्पवयीन मुलाविरुद्ध तक्रार केली होती. या तक्रारीची वरिष्ठ पोलीस निरीक्षक राजेंद्र मच्छिंदर यांनी गंभीर दखल घेत पोलिसांना गुन्हा दाखल करण्याचे आदेश दिले होते. या आदेशानंतर पोलिसांनी आरोपी मुलाविरुद्ध लैगिंक अत्याचारासह पोक्सो कलमांतर्गत गुन्हा दाखल केला होता. गुन्हा दाखल होताच काही तासांत आरोपी मुलाला पोलिसांनी चौकशीसाठी ताब्यात घेतले होते. त्याचे वय तेरा वर्ष तीन महिने असल्याचे उघडकीस आले. तो अल्पवयीन असल्याने त्याला डोंगरीतील बालसुधारगृहात पाठविण्यात आले आहे.