इनॉरबीटमॉलकडे जाताना भरस्त्यात 22 वर्षांच्या तरुणाचा विनयभंग

मुंबई क्राईम टाईम्स डॉट कॉम
30 नोव्हेंबर 2025
मुंबई, – इनॉरबीटमॉलकडे जाताना भरस्त्यात एका 22 वर्षांच्या तरुणीच्या पार्श्वभागासह छातीला नकोसा स्पर्श करुन तिचा विनयभंग केल्याप्रकरणी उत्तरप्रदेशचा रहिवाशी असलेल्या आरोपी तरुणाला गोरेगाव पोलिसांनी अटक केली. कुलदिप बुधीराम कनोजिया असे या 27 वर्षीय आरोपीचे नाव असून अटकेनंतर त्याला बोरिवलीतील लोकल कोर्टाने चौदा दिवसांची न्यायालयीन कोठडी सुनावली आहे. विनयभंगाचा गुन्हा दाखल होताच अवघ्या 24 तासांत आरोपी पोलिसांनी अटक केली होती.

22 वर्षांची तक्रारदार तरुणी ही बुधवारी 26 नोव्हेंबरला रात्री पावणेदहा वाजता रेडीसन हॉटेलजवळील डीएचएल कुरिअर कंपनीवरील बससस्टॉप येथून इनॉरमॉलकडे पायी चालत जात होती. यावेळी तिच्या मागून एक तरुण आला. काही कळण्यापूर्वीच त्याने तिच्या पार्श्वभागावर अश्लील स्पर्श केला, त्यानंतर तिच्या छातीला नकोसा स्पर्श करुन तिचा विनयभंग केला होता. या प्रकाराने तिला धक्काच बसला होता, तोपर्यंत तो तरुण अंधाराचा फायदा घेऊन तेथून पळून गेला होता. या घटनेनंतर तिने गोरेगाव पोलीस ठाण्यात धाव घेऊन तिथे उपस्थित पोलिसांना घडलेला प्रकार सांगितला.

या घटनेची पोलिसांनी गंभीर दखल घेत तिच्या तक्रारीवरुन अज्ञात तरुणाविरुद्ध विनयभंगाचा गुन्हा दाखल केला होता. गुन्हा दाखल होताच पोलीस आयुक्त देवेन भारती, अतिरिक्त पोलीस आयुक्त शशिकुमार मीना, पोलीस उपायुक्त संदीप जाधव, सहाय्यक पोलीस आयुक्त प्रकाश बागुल, वरिष्ठ पोलीस निरीक्षक सूर्यकांत खरात यांच्या मार्गदर्शनाखाली पोलीस उपनिरीक्षक विजेंद्र काळे, तुषार सुुखदेवे शिवाजी सावले, समाधान माळी, सूर्यभान घोलप, सहाय्यक पोलीस निरीक्षक संजय सरोळकर, योगेश रंधे, दिपक रायवडे व अन्य पोलीस पथकाने आरोपीचा शोध सुरु केला होता.

परिसरातील सीसीटिव्ही फुटेज आणि तांत्रिक माहितीवरुन या पथकाने गोरेगाव येथून कुलदीप कनोजिया या 27 वर्षांच्या तरुणाला संशयित आरोपी म्हणून ताब्यात घेतले होते. त्याच्या चौकशीत त्यानेच तक्रारदार तरुणीचा विनयभंग केल्याचे उघडकीस आले. त्यानंतर त्याला याच गुन्ह्यांत पोलिसांनी अटक केली. अटकेनंतर त्याला बोरिवलीतील लोकल कोर्टात हजर करण्यात आले होते. यावेळी कोर्टाने त्याला न्यायालयीन कोठडी सुनावली आहे. कुलदिप हा मूळचा उत्तरप्रदेशच्या बस्ती, परारीच्या गंगाहार गावचा रहिवाशी असून सध्या गोरेगाव येथील उद्योगनगर, गाळा क्रमांक दोनमध्ये राहत असल्याचे पोलिसांनी सांगितले.