अल्पवयीन शाळकरी मुलीची विनयभंगप्रकरणी आरोपीस अटक
आरोपी सराईत गुन्हेगार तर विनयभंगाच्या तिसर्‍या गुन्ह्यांची नोंद
मुंबई क्राईम टाईम्स डॉट कॉम
13 एपिल 2025
मुंबई, – सोळा वर्षांच्या अल्पवयीन शाळकरी मुलीचा भरस्त्यात विनयभंग केल्याप्रकरणी अजय नावाच्या एका 21 वर्षांच्या आरोपीस जुहू पोलिसांनी अटक केली. अजय हा रेकॉर्डवरील गुन्हेगार असून त्याच्याविरुद्ध विनयभंगाच्या तिसर्‍या गुन्ह्यांची नोंद आहे. यापूर्वीच्या दोन विनयभंगासह तीन गुन्ह्यांत जामिनावर बाहेर असताना त्याने चौथा गुन्हा केल्याचे तपासात उघडकीस आले आहे.
बळीत मुलगी ही विलेपार्ले परिसरात राहत असून सध्या दहावीत शिक्षण घेते. गुरुवारी रात्री आठ वाजता ती रस्त्यावरुन जात होती. यावेळी अजयने तिच्या मागून तिला नकोसा स्पर्श तिचा विनयभंग केला होता. या घटनेनंतर ती घरी पळून गेली होती. त्यानंतर ती शाळेतून घरी जात होती. यावेळी त्याने पुन्हा तिच्याकडे पाहून अश्लील शेरेबाजी करुन तिच्याशी अश्लील चाळे करुन तिचा विनयभंग केला होता. या घटनेनंतर तिने तिच्या पालकांना घडलेला प्रकार सांगितला. त्यांच्या सांगण्यावरुन तिने जुहू पोलीस ठाण्यात जाऊन तिथे उपस्थित पोलिसांना घडलेला प्रकार सांगितला. तसेच अजयविरुद्ध विनयभंगाची तक्रार केली होती. तिच्या तक्रारीनंतर त्याच्याविरुद्ध पोलिसांनी विनयभंगासह पोक्सा कलमांतर्गत गुन्हा दाखल केला होता.
गुन्हा दाखल होताच त्याला शनिवारी पोलिसांनी अटक केली. अटकेनंतर त्याला दिडोंशीतील पोक्सो कोर्टात हजर करण्यात आले होते. यावेळी कोर्टाने त्याला पोलीस कोठडी सुनावली आहे. अजय हा याच परिसरात राहत असून बळीत मुलीच्या परिचित आहे. तो सराईत रेकॉर्डवरील गुन्हेगार आहे. त्याच्याविरुद्ध जुहू पोलीस ठाण्यात मारामारीसह शिवीगाळ करुन धमकी देणे तसेच विनयभंगासह पोक्सोच्या दोन गुन्ह्यांची नोंद आहे. या तिन्ही गुन्ह्यांत तो सध्या जामिनावर बाहेर होता. जामिनावर बाहेर असताना त्याने गुरुवारी एका सोळा वर्षांच्या शाळकरी मुलीचा विनयभंग केला होता. त्याच्याविरुद्ध दाखल झालेल्या विनयभंगाचा तिसरा गुन्हा असल्याचे पोलिसांनी सांगितले.
