अपहरणानंतर अल्पवयीन मुलाच्या हत्येप्रकरणी बिहारी तरुणाला अटक

मुंबई क्राईम टाइम्स डॉट कॉम
3 एप्रिल 2025
मुंबई, – अपहरणानंतर एका सात वर्षांच्या अल्पवयीन मुलाची हत्या करण्यात आल्याची घटना कुर्ला परिसरात उघडकीस आली आहे. मृत मुलाची ओळख पटली नसून त्याचा मृतदेह शवविच्छेदनासाठी सायन हॉस्पिटलमध्ये पाठविण्यात आला आहे. याप्रकरणी मोहम्मद सलमान आलम अनुसरुल हक या 19 वर्षांच्या आरोपी तरुणाला चुन्नाभट्टी पोलिसांनी अटक केली आहे. त्याच्याविरुद्ध अपहरणासह अनैसगिंक अत्याचार, हत्या, हत्येचा पुरावा नष्ट करण्याचा प्रयत्न करणे तसेच पोक्सोच्या विविध कलमांतर्गत गुन्हा दाखल करण्यात आला आहे. अटकेनंतर त्याला विशेष सेशन कोर्टात हजर करण्यात आले होते. अनैसगिक लैगिंक अत्याचारास विरोध केला म्हणून आरोपीने सात वर्षांच्या मुलाची हत्या करुन त्याचा मृतदेह जमिनीत पुरुन हत्येचा पुरावा नष्ट करण्याचा प्रयत्न केल्याचे तपासात उघडकीस आले आहे.

ही घटना बुधवारी 2 एप्रिलला रात्री बारा वाजता कुर्ला येथील कुरेशीनगर, नागोबा चौक रेल्वे गेटजवळील गोरखनाथ मंडळ ते कब्रस्तान मशिदीकडे जाणार्‍या रस्त्याच्या बाजूच्या रेल्वे कंपाऊंडमध्ये घडली. मोहम्मद सलमान हा बिहारच्या चंपारण्यम, मोधापूरचा रहिवाशी आहे. सध्या तो ठाण्यातील भिवंडी परिसरात राहत असून काहीच कामधंदा करत नाही. बुधवारी तो धारावी येथे आला होता. तिथेच त्याला मृत मुलगा भेटला होता. त्याला खाऊ आणि पैशांचे आमिष दाखवून त्याने त्याला कुर्ला येथील कुरेशीनगर परिसरात आणले. तिथेच त्याने त्याच्यावर अनैसगिक लैगिंक अत्याचार केला होता. त्याने विरोध ेल्यानंतर त्याने त्याची गळा आवळून हत्या केली होती. या हत्येनंतर त्याने त्याचा मृतदेह जमिनीत पुरण्याचा प्रयत्न केला होता. त्यात त्याच्या शरीराला अनेक ठिकाणी जखमा झाल्या होत्या.

हा प्रकार एका दक्ष नागरिकाकडून समजताच चुन्नाभट्टी पोलिसांनी घटनास्थळी धाव घेतली होती. या मुलाला तातडीने सायन हॉस्पिटलमध्ये दाखल करण्यात आले. तिथे त्याला डॉक्टरांनी मृत घोषित केले. त्यानंतर त्याचा मृतदेह शवविच्छेदनासाठी पाठविण्यात आला होता. मृत मुलाची ओळख पटली नव्हती. त्यामुळे त्याची ओळख पटावी यासाठी पोलिसांनी प्रयत्न सुरु केले आहे. याप्रकरणी भारतीय न्याय सहितासह पोक्सो कलमांतर्गत गुन्हा दाखल होताच पळून गेलेल्या मोहम्मद सलमानला पोलिसांनी काही तासांत अटक केली.

चौकशीत त्यानेच या मुलाला खाऊ आणि पैशांचे आमिष दाखवून धारावी येथून कुर्ला येथे आणून त्याच्यावर अनैसगिक लैगिंक अत्याचार केला. त्याने विरोध केल्यानंतर त्याची गळा आवळून हत्या केल्याची कबुली दिली. या कबुलीनंतर त्याला पोलिसांनी अटक केली. चौकशीत त्याने या गुन्ह्यांची कबुली दिली होती. अटकेनंतर त्याला गुरुवारी दुपारी विशेष पोक्सो कोर्टात हजर करण्यात आले होते.