मेडीकल ट्रिटमेंटसाठी ऑनलाईन अ‍ॅपाईटमेंट सर्च करणे महागात पडले
कापड व्यापार्‍याची सायबर ठगाकडून ऑनलाईन फसवणुक
मुंबई क्राईम टाईम्स डॉट कॉम
24 एपिल 2025
मुंबई, – वडिलांच्या मेडीकल ट्रिटमेंटसाठी ऑनलाईन मेडीकेशन सेंटर सर्च करणे एका कापड व्यापार्‍याला चांगलेच महागात पडले. मेडीकेशन सेंटरचा क्रमांक सर्च करताना सायबर ठगाने पाठविलेला अ‍ॅप डाऊनलोड करुन त्यात वडिलांची माहिती सबमिट करताच या ठगाने त्यांच्या बँक खात्यातून 1 लाख 56 हजार 500 रुपये ट्रान्स्फर करुन फसवणुक केली. एक अपॉईटमेंट त्यांना दिड लाखांना पडल्याचे बोलले जाते. याप्रकरणी दिडोंशी पोलिसांनी फसवणुकीसह आयटी कलमांतर्गत गुन्हा दाखल करुन संबंधित ठगांचा शोध सुरु केला आहे.
हिरेन महेंद्रकुमार त्रेवाडिया हे मालाड येथे राहत तिचा कपड्याचा व्यवसाय आहे. 19 एप्रिलला त्यांच्या वडिलांना मेडीकल ट्रिटमेंटसाठी त्यांनी त्यांच्या मोबाईलवरुल ऑनलाईन मेडीकेशन सेंटर सर्च केले होते. यावेळी त्यांना जस्ट डायलवरुन एक मोबाईल क्रमांक मिळाला होता. त्यामुळे त्यांनी संबंधित मोबाईलवर संपर्क साधला होता. यावेळी समोरील व्यक्तीने अपॉईटमेंट बुकींगसाठी त्यांच्या मोबाईलवर एक अ‍ॅप पाठवून तिथे बुकींग करण्यास सांगिते. त्यामुळे त्यांनी तो अ‍ॅप ओपन करुन त्यांच्या वडिलांची माहितीसह इतर डिटेल्स भरली होती. यावेळी या व्यक्तीने त्यांना ऑनलाईन दहा रुपये जमा करण्यास सांगितले. मात्र त्याच्यावर संशय आल्याने त्यांनी दहा रुपये ट्रान्स्फर केले नाही. काही वेळानंतर त्यांच्या मोबाईलवर सतत वेगवेगळे मॅसेज आणि ओटीपी क्रमांक येऊ लागले.
फसवणुकीचा हा प्रकार लक्षात येताच त्यांनी बँकेच्या कस्टमर हेल्पलाईन क्रमांकावर त्यांचे बचत खाते फ्रिज करण्यास सांगितले. यावेळी समोरील व्यक्तीने त्यांच्या बँकेचे नेट आणि मोबाईल बँकिग सुविधा बंद केल्यो सांगितले. सायंकाळी त्यांच्या मोबाईलवर त्यांच्या बचत खात्यात एक बेनिफिसरी अ‍ॅड झाल्याचा मॅसेज आला होता. त्यानंतर त्यांच्या बँक खात्यात 1 लाख 22 हजार आणि 34 हजार 500 रुपये असे 1 लाख 56 हजार 500 रुपये डेबीट झाल्याचा मॅसेज आला. बँकेच्या कस्टमर हेल्पलाईन सेवेत बँक खाते फ्रिज करण्याची विनंती करुनही त्यांच्या बँक खात्यातून पैसे डेबीट झाले होते. त्यामुळे त्यांनी दिडोंशी पोलीस ठाण्यात संबंधित बँक कर्मचार्‍यासह अज्ञात सायबर ठगाविरुद्ध तक्रार केली होती. या तक्रारीची पोलिसांनी गंभीर दखल घेत संबंधित आरोपीविरुद्ध फसवणुकीसह आयटी कलमांतर्गत गुन्हा दाखल केला आहे. या गुन्ह्यांचा तपास सुरु असल्याचे पोलिसांनी सांगितले.
