शेअर ट्रेडिंगच्या माध्यमातून महिलेला 36 लाखांना गंडा

मुंबई क्राईम टाईम्स डॉट कॉम
29 मे 2025
मुंबई, – चांगला परतावा देतो असे सांगून शेअर ट्रेडिंगच्या माध्यमातून एका महिलेला सुमारे 36 लाखांना घातल्याप्रकरणी दोन आरोपींना उत्तर प्रादेशिक विभागाच्या सायबर सेल पोलिसांनी अटक केली. पंकज प्रभाकर लोहार आणि धर्मेश धिरजलाल चावडा अशी या दोघांची नावे असून अटकेनंतर दोघांनाही बोरिवलीतील लोकल कोर्टाने पोलीस कोठडी सुनावली आहे. ते दोघेही काही सायबर ठगांच्या संपर्कात असून फसणुकीसाठी त्यांनी या ठगांना बँक खाती पुरविल्याचे तपासात उघडकीस आले आहे.

दुर्वा दिपक नागम ही तक्रारदार महिला गोरेगाव येथे राहत असून तिचे पती एका खाजगी कंपनीत कामाला आहे. तिचे डिमॅट खाते असून ती गेल्या एक वर्षांपासून शेअरमध्ये गुंतवणुक करते. तिला शेअरबाबत चांगले ज्ञान आहे. त्यामुळे ती नेहमीच सोशल मिडीयावरुन शेअरच्या दैनदिन माहिती घेत असते. गेल्या वर्षी डिसेंबर महिला तिला सोशल मिडीयावर शेअरसंदर्भातील एक जाहिरात दिसली होती. त्यामुळे तिने त्या जाहिरातीची लिंक ओपन केली होती. त्यानंतर तिला एका व्हॉटअप ग्रुपवर जोडण्यात आले होते. या ग्रुपमध्ये शेअरसंदर्भातील माहिती दिली जात होती. ग्रुपमध्ये अनेक सभासद होते, त्यांनीही शेअर ट्रेडिंग केल्याचे तसेच त्यात त्यांना चांगला फायदा होत असल्याचे तिला दिसून आले.

काही दिवसांनी त्यांना ग्रुप अ‍ॅडमिनने कॉल करुन त्यांची कंपनीत सेबी रजिस्ट्रर असून कंपनीच्या माध्यमातून तिने गुंतवणुक केल्यास तिला हमखास चांगला परतावा मिळेल असे सांगितले. कंपनीच्या माहिती घेतानातिला ती कंपनीत सेबी नोंदणीकृत असल्याचे समजले होते. त्यामुळे तिने कंपनीच्या माध्यमातून शेअर ट्रेडिंगमध्ये गुंतवणुकीचा निर्णय घेतला होता. यावेळी तिला एक अ‍ॅप डाऊनलोड करण्यास सांगून तिची माहिती अपलोड करण्यास सांगण्यात आले होते. ती माहिती अपलोड केल्यानंतर कंपनीच्या वतीने तिला एक खाते पुरविण्यात आले होते. याच खात्याच्या माध्यतातून 36 लाख 56 हजार 118 रुपयांचे विविध शेअरमध्ये गुंतवणुक केली होती.

या गुंंतवणुकीनंतर तिच्या खात्यात 2 कोटी 82 लाख 46 हजार 349 रुपये जमा झाल्याचे तिला दिसून आले. तिला शेअर ट्रेडिंगमध्ये चांगला फायदा झाला होता. त्यामुळे तिने कंपनीच्या खात्यातून तिच्या बँक खात्यात काही रक्कम ट्रान्स्फर करण्याचा प्रयत्न केला, यावेळी तिच्या बँक खात्यात पाच हजार रुपये जमा झाले. मात्र नंतर तिच्या बँक खात्यात पैसे ट्रान्स्फर झाले नाही. याबाबत तिने ग्रुप अ‍ॅडमिनकडे विचारणा केली, मात्र त्यांच्याकडून तिला काही प्रतिसाद मिळाला नाही. फसवणुकीचा हा प्रकार उघडकीस येताच तिने सायबर क्राईअ रिपोटिंग पोर्टलसह उत्तर प्रादेशिक सायबर सेल विभागात तक्रार केली होती. तिच्या तक्रारीनंतर पोलिसांनी चार अज्ञात सायबर ठगाविरुद्ध फसवणुकीसह आयटी कलमांतर्गत गुन्हा दाखल केला होता.

गुन्हा दाखल होताच आरोपींच्या अटकेसाठी पोलिसांनी विशेष मोहीम हाती घेतली होती. ही शोधमोहीम सुुर असताना पंकज लोहार आणि धर्मेश चावडा या दोघांना संशयित म्हणून ताब्यात घेतले होते. चौकशीत या गुन्ह्यांत त्यांचा सहभाग उघडकीस आला होता. त्यांच्या बँक खात्यात फसवणुकीची काही रक्कम जमा झाली होती. ती रक्कम त्यांनी गुन्ह्यांतील मुख्य सायबर ठगांना ट्रान्स्फर केली होती. ते दोघेही संबंधित सायबर ठगांच्या संपर्कात होते, त्याच्यासाठी त्यांनी विविध बँकेत खाती उघडल्याचे तपासात उघडकीस आले. या गुन्ह्यांत इतर काही आरोपींचा सहभाग उघडकीस आला असून त्यांच्या अटकेसाठी पोलिसांनी विशेष मोहीम हाती घेतली आहे.