बँकाँकहून आणलेला हायड्रोपोनिक गांजाचा साठा जप्त

मुंबई क्राईम टाईम्स डॉट कॉम
14 सप्टेंबर 2025
मुंबई, – बँकाँकहून आणलेला सुमारे 39 कोटीचा हायड्रोपोनिक गांजाचा साठा छत्रपती शिवाजी महााज आंतरराष्ट्रीय विमानतळावर महसूल गुप्तचर संचालनायाच्या अधिकार्‍यांनी अटक केली. याच गुन्ह्यांत दोन प्रवाशांसह तिघांना या अधिकार्‍यांनी अटक केली आहे. आमीर पांपाडेन, मोहम्मद शफीर मदारी आणि सोहब खान अशी या तिघांची नावे आहेत. यातील आमीर आणि मोहम्मद शफीर हे दोघेही थायलंडच्या बँकॉकहून आले होते तर गांजाचा साठा त्यांना विमानतळाबाहेर असलेल सोहब खान याला देण्यास सांगण्यात आले होते. एनडीपीएस कलमांतर्गत कारवाई केल्यानंतर या तिघांनाही रविवारी दुपारी किल्ला कोर्टाने न्यायालयीन कोठडी सुनावली आहे.

गेल्या काही महिन्यांपासून बँकाँकहून मोठ्या प्रमाणात हायड्रोपोनिक गांजाची तस्करी होत असल्याने सर्वत्र यंत्रणा सतर्क झाल्या होत्या. अशा ड्रग्ज तस्कराविरुद्ध या यंत्रणेने विशेष मोहीम हाती घेतली होती. शनिवारी रात्री उशिरा आमीर पांपाडेन आणि मोहम्मद शफीर हे दोघेही बँकाँकहून छत्रपती शिवाजी महाराज आंतरराष्ट्रीय विमानतळावर आले होते. या दोघांच्या बॅगेत ड्रग्ज असल्याचे समजताच दोघांनाही महसूल गुप्तचर संचालनालयाच्या अधिकार्‍यांनी चौकशीसाठी ताब्यात घेतले होते.

त्याच्या सामानाची झडती घेतली असता त्यात 39 पॅकेट सापडले, या पॅकेटमध्ये 39 किलो 200 ग्रॅम वजनाचे हायड्रोपोनिक गांजा असल्याचे उघडकीस आले होते. आंतरराष्ट्रीय बाजारात याच गांजाची किंमत 39 कोटी 20 लाख रुपये इतकी किंमत आहे. चौकशीदरम्यान त्यांना हा साठा बँकाँकमध्ये एका व्यक्तीने दिला होता. हा साठा विमानतळाबाहेर असलेल्या सोहब खान याला देण्यास सांगण्यात आले होते. त्यामुळे विमानतळाबाहेर असलेल्या सोहबला नंतर या अधिकार्‍यांनी अटक केली.

या तिघांविरुद्ध एनडीपीएस कलमांतर्गत गुन्हा दाखल करण्यात आला आहे. याच गुन्ह्यांत अटक केल्यानंतर तिन्ही आरोपींना रविवारी दुपारी किल्ला कोर्टात हजर करण्यात आले होते. यावेळी कोर्टाने त्यांना चौदा दिवसांची न्यायालयीन कोठडी सुनावली आहे.