शेअर गुंतवणुकीच्या महिलेची ७६ लाखांची फसवणुक

मुंबई क्राईम टाईम्स डॉट कॉम
२८ ऑगस्ट २०२४
मुंबई, – शेअर गुंतवणुकीच्या नावाने नवी मुंबईतील एका खाजगी कंपनीत उपाध्याक्ष पदावर काम करणार्‍या वरिष्ठ अधिकारी महिलेची अज्ञात सायबर ठगांनी सुमारे ७६ लाखांची फसवणुक केल्याची घटना उघडकीस आली आहे. याप्रकरणी सायबर सेल पोलिसांनी संबंधित सायबर ठगाविरुद्ध फसवणुकीसह आयटी कलमांतर्गत गुन्हा नोंदवून तपास सुरु केला आहे. ७६ लाखांच्या गुंतवणुकीवर एक कोटीचा नफा झाल्याचा दावा करुन अज्ञात सायबर ठगांनी ही र क्कम बँक खात्यात ट ्रान्स्फर करण्यासाठी आणखीन पैशांची मागणी सुरु केली होती. यावेळी फसवणुकीचा हा प्रकार उघडकीस आल्याचे पोलिसांनी सांगितले.

५६ वषारच्या तक्रारदार जेरीना डजवेल डिसुजा या अंधेरीतील जे. बी नगरच्या रहिवाशी असून नवी मुंबईतील ऐरोली परिसरातील एका खाजगी कंपनीत उपाध्याक्ष पदावर काम करतात. मार्च २०२४ त्यांच्या पायाला दुखापत झाली होती. तेव्हापासून त्या घरातील कार्यालयीन काम करतात. एप्रिल महिन्यांत एका अज्ञात व्येीने त्यांना एका ग्रुपमध्ये सामिल केले होते. या ग्रुपमध्ये शेअरसंदर्भातील दैनदिन अपडेट दिली जात होती. ग्रुपमधील ऍडमिन सभासदांना शेअरमार्केटमध्ये गुंतवणुकीचा सल्ला देत होता. कुठल्या शेअरमध्ये गुंतवणुक केल्यास किती फायदा होईल याबाबत माहिती मिळत असल्याने त्यांना शेअर मार्केट गुंतवणुकीबाबत आकर्षण निर्माण झाले होते. त्यामुळे त्यांनी ऍडमिनशी चर्चा करुन एक ऍप डाऊनलोड केला होता. यावेळी त्यांना अनुसूया आणि अवरजराज गुप्ता नावाच्या दोघांनी विविध शेअर मार्केट गुंतवणुकीबाबत स्किम सांगून त्यांना गुंतवणुकीस प्रवृत्त केले होते. त्यामुळे तिने विविध शेअरमध्ये २ एप्रिल ते ३० जून २०२४ या कालावधीत सुमारे ७६ लाखांची गुंतवणुक केली होती.

या गुंतवणुकीवर त्यांना एक कोटीपेक्षा अधिक फायदा झाल्याचे ऍपवरुन दिसत होते. मात्र त्यांना ऍपवरुन त्यांच्या बँक खात्यात पैसे ट ्रान्स्फर करता येत नव्हते. त्यांनी बरेच प्रयत्न करुनही त्यांना ही र क्कम ट ्रान्स्फर करता आली नाही. त्यामुळे त्यांनी ऍडमिनकडे विचारणा केली असता त्याने तिला तीन लाख रुपये जमा केल्यानंतर ही र क्कम तिच्या बँक खात्यात ट ्रान्स्फर होईल असे सांगितले. हा प्रकार संशयास्पद वाटल्याने तिने तिच्या मुलीला हा प्रकार सांगितला. यावेळी तिने संबंधित सायबर ठगांनी तिची फसवणुक केली असून तिने सायबर सेल पोलिसांत तक्रार करण्याचा सल्ला दिला. त्यामुळे तिने सायबर सेल पोलिसांना घडलेला प्रकार सांगून संबंधित सायबर ठगाविरुद्ध तक्रार केली होती. या तक्रारीची शहानिशा केल्यानंतर संबंधित ठगाविरुद्ध पोलिसांनी १२० बी, ४१९, ४२०, ४६५, ४६७, ४६८, ४७१, ३४ भारतीय दंड सहिता सहकलम ६६ सी, ६६ डी आयटी कलमांतर्गत गुन्हा दाखल केला आहे. या गुन्ह्यांचा सायबर सेल पोलिसकडून तपास सुरु आहे. ज्या बँक खात्यात ही रक्कम ट्रान्स्फर झाली, त्या बँक खात्याची माहिती काढण्याचे काम सुरु आहे. लवकरच या ठगांवर अटकेची कारवाई होईल असे पोलिसांकडून सांगण्यात आले.