आंतरराष्ट्रीय विमानतळ पार्किंगमधील अपघातात पाचजण जखमी

मुंबई क्राईम टाइम्स डॉट कॉम
२ फेब्रुवारी २०२५
मुंबई, – छत्रपती शिवाजी महाराज आंतरराष्ट्रीय विमानतळाच्या पार्किंगमध्ये रविवारी सकाळी एका विचित्र अपघातात मर्सिडिज कारने पाचजणांना धडक दिली. त्यात दोन विदेशी नागरिकासह तीन क्रु मेंबर जखमी झाले असून या पाचजणांना नानावटी आणि कूपर हॉस्पिटलमध्ये दाखल करण्यात आले होते. त्यापैकी दोघांवर उपचार सुरु असून तिघांना प्राथमिक उपचारानंतर सोडून देण्यात आले आहे. याप्रकरणी हलगर्जीपणाने कार चालवून पाचजणांना गंभीर दुखापत होण्यास कारणीभूत ठरल्याप्रकरणी कारचालकाविरुद्ध सहार पोलिसांनी गुन्हा दाखल केला आहे. याच गुन्ह्यांत नंतर परशुराम चिंचोलाप्पा दादनावरे या ३४ वर्षांच्या कारचालकास पोलिसांनी अटक केली. हा गुन्हा जामिनपात्र असल्याने नंतर त्याची जामिनावर सुटका करण्यात आली.

ही घटना रविवारी सकाळी साडेआठ वाजता आंतरराष्ट्रीय विमानतळाच्या टर्मिनस दोनच्या पार्किंगमध्ये घडली. या पार्किंगमध्ये नेहमीच वर्दळ असते. तिथे गाड्यांची नेहमीच ये-जा असते. रविवारी सकाळी नवी मुंबईचा रहिवाशी असलेला परशुराम दादनावरे हा एका पॅसेंजरला सोडून जात होता. यावेळी त्याच्या मर्सिडिज कारवरील नियंत्रण सुटले आणि त्याने पाचजणांना जोरात धडक दिली होती त्यात दोन विदेशी नागरिकासह तीन क्रु मेंबरचा समावेश होता. या दोन्ही विदेशी नागरिकांना नंतर नानावटी तर इतर तिघांना कूपर हॉस्पिटलमध्ये दाखल करण्यात आले. विदेशी नागरिकांपेकी एकाच्या पायाला तर दुसर्‍याच्या मांडीला दुखापत झाली होती. इतर तिघांपैकी दोघांना प्राथमिक औषधोपचारानंतर सोडून देण्यात आले.

अपघाताची माहिती मिळताच सहार पोलिसांनी घटनास्थळी धाव घेतली होती. याप्रकरणी कारचालक परशुरामविरुद्ध पोलिसांनी हलर्जीपणाने कार चालवून पाचजणांना गंभीर दुखापत होण्यास कारणीभूत ठरल्याप्रकरणी गुन्हा दाखल केला होता. याच गुन्ह्यांत नंतर त्याला पोलिसांनी ताब्यात घेतले होते. कार चालविताना त्याने मद्यप्राशन केले होते का याचा पोलिसांकडून तपास सुरु आहे. त्याची मेडीकल करण्यात आली आहे. परशुरामने ब्रेकऐवजी एक्सीलेटर दाबला होता, त्यातच त्याचे कारवरील नियंत्रन सुटल्याने हा अपघात झाल्याचे प्राथमिक तपासात उघडकीस आले आहे. त्यामुळे चौकशीचा भाग म्हणून ही कार पोलिसांनी ताब्यात घेतली आहे. कार चालविताना त्याने मद्यप्राशन केले होते याचा तपास सुरु असून त्याची मेडीकल करण्यात आली आहे.